ექიმი დერმატო-ვენეროლოგი, რომლის პროფესიული საქმიანობა აერთიანებს კანისა და თმის ჯანმრთელობაზე ზრუნვას, თანამედროვე დიაგნოსტიკურ მეთოდებსა და ინდივიდუალურ მიდგომას თითოეული პაციენტის მიმართ.

მისი პროფესიული ინტერესები მოიცავს კლინიკურ დერმატოლოგიას, ტრიქოლოგიას, დერმოსკოპიასა და ტრიქოსკოპიას. აქვს კანისა და თმის დაავადებების დიაგნოსტიკისა და მკურნალობის კლინიკური გამოცდილება, ასევე მუშაობის გამოცდილება ლაზერული თერაპიის მიმართულებით.

სალომემ დაამთავრა თბილისის სახელმწიფო სამედიცინო უნივერსიტეტი და დერმატო-ვენეროლოგიის რეზიდენტურა გაიარა პეტრე შოთაძის სახელობის თბილისის სამედიცინო აკადემიაში. პროფესიული ცოდნა გააღრმავა ინექციური კოსმეტოლოგიის მიმართულებითაც.

მისი გამოცდილება მოიცავს სამწლიან კლინიკურ პრაქტიკას „მედიქლაბ ჯორჯიაში“ დერმატოლოგიისა და ტრიქოლოგიის მიმართულებით. სალომე აქტიურად არის ჩართული სამეცნიერო საქმიანობაში — არის საერთაშორისო დერმატოლოგიურ ჟურნალში გამოქვეყნებული სამეცნიერო სტატიის თანაავტორი და მონაწილეობს ადგილობრივ და საერთაშორისო პროფესიულ კონგრესებში, მათ შორის როგორც მომხსენებელი.

იგი არის ევროპის დერმატოლოგიისა და ვენეროლოგიის აკადემიის (EADV), საერთაშორისო ტრიქოსკოპიის საზოგადოებისა (ITS) და საერთაშორისო დერმოსკოპიის საზოგადოების (IDS) წევრი.

DROSA-ს ფილოსოფიის შესაბამისად, სალომეს პროფესიული მიდგომა ეფუძნება კანის ჯანმრთელობისა და ესთეტიკის ურთიერთკავშირს. მისთვის მნიშვნელოვანია არა მხოლოდ არსებული პრობლემების შეფასება და მკურნალობა, არამედ კანისა და თმის ჯანმრთელობის გრძელვადიანი შენარჩუნება, ბუნებრივი იერსახის მხარდაჭერა და ასაკთან დაკავშირებული ცვლილებების გააზრებული მართვა.